مقالة عنوانها ( متخرج ومجرب ) 🎀💙
#TWAS
السلام عليكم ورحمة الله وبركاته
اولًا مبروك لكم جميعًا قبولكم بالجامعة اتمنى انكم بالمكان اللي تبونه وتحققون نجاح كبير
🏻
ان شاء الله بحكي لكم تجربتي انا كروان ممكن البعض ما تتناسب معهم وممكن البعض يتجنب الاخطاء اللي صارت لي
الجامعة والله ما اقول هذا الكلام تهوين لكم لكن احكي لكم تجربتي لا تكونون متوترين هي ابسط مما تتصورون لكن اعمق مما تتخيلون الموضوع ما يتطلب يوميًا دراسة ٢٤ ساعة بالمكتب اذاكر واراجع ابدًا لا هي فقط ادارة وقت بيومك ٢٤ ساعة بامكانك تسوين كل شيء تبينه، راح تواجهون ضغط نفسي بعض الاوقات لما تكثر الاختبارات تكون متتاليه مشاريع بحوث عادي اخذوا الموضوع رحله وتجربة جديده تعيشونها التحضيري في الغالب يكونون الدكاتره متساهلين معكم بحكم انكم جديدين على المكان ف راح تستمتعون بإذن الله
النوم ثم النوم ثم النوم
اساس يومك نومك، لابد الواحد ينام قدر كافي من الساعات من ٨-٩ شخصيًا نظامي اصلي العشاء وانام اقوم قبل دوامي بساعة او ساعتين ممكن افطر على راحتي واروح للجامعة بدون ركض وتوتر و ماننسى موضوع التأخير
برضو الاكل جدًا مهم لأن لو كان الشخص جوعان استيعابه يكون اقل فلذلك لازم نحرص عليه ولا نجوع انفسنا لوقت طويل..
نبدأ اهم نقطة دراسيًا الحضور اعتبره من اهم الاشياء لما اكون حاضره مصحصحه ومو جوعانه استوعب مع الدكتوره اسجل ملاحظاتي حاولوا يكون خطكم واضح، حتى وقت الاختبار احيان ممكن اتذكر شرح الدكتوره مثال او اي شيء طرحته وقت الشرح، لا تستهينون فيه ابدًا..
وقت المذاكرة ماحب امشي على طريقة وحده طول المذاكره
لنفترض اختباري خمس دروس الدرس الاول بذاكر ٢٥ دقيقة و ٥ دقايق راحه
الدرس الثاني امشي، الدرس الثالث اذاكر من خريطة مفاهيم وهكذا..
لا تستعجلون بالمذاكرة ابدًا خذوا وقتكم افهموا اللي قدامكم قراءة سريعة اول شيء بعدها حبه حبه اقسموا المواضيع حاولوا ترسمون اشياء تذكركم بالنقطة لو مافهمتوها او نقاط تكون كثيره الامر بالاختبار مايتطلب الحفظ نصًا وانما الفهم فلذلك لو واجهتوا عشر نقاط تندرج تحت سؤال واحد ارسموا عندها علامات تذكيريه مثل المال $
سووا اشغالكم على اكمل وجه درجاتكم لا تخسرونها ب اعمال السنة احرصوا اشد الحرص على هذي النقطة تدخلون النهائي متطمنين بدون توتر، نقطة انا للاسف ما اخذت حذري منها المواد حاولوا تتجنبون تسألون عنها بيجيكم ضغط منها وتخافون من اختباراتها ممكن تغيرون الاجابة الصح للخطأ بسبب التوتر وهذا الشيء حصل لي، ايضًا الدكاتره انتم خلكم ماشين من البداية معهم كويس احضروا كل محاضره ترى اغلب الدكاتره نهاية الترم تعطي بونس
انا عارفه ان احيان يكون مالنا خلق بعد الدوام خصوصًا لما يكون دوامنا لوقت طويل الحل مو انكم تنسدحون و تضيعون وقتكم لا ابدًا سوو شيء تحبونه بعدها حاولوا تاخذون ساعة يوميًا مراجعه للي اخذتوه، انا مثال احب بعد ما ارجع من الدوام اكتب الدرس بدفتر عشان بعد تستذكرونه الامثلة باللون الاخضر التعريف احمر..
اهم نقطة خارجيه اشوفها مهمه وتلعب دور بالنفسية بشكل كبير هذي ممكن ماتفيدكم لكن ممكن البعض تعجبه عاملوا نفسكم كأنكم اطفال انت ذاكر دروسك واذا نجحت بشتري لك شيء تحبه، انا ادرس سبع مواد اقول لو جبت بالميد خمس مواد فل مارك راح اشتري الحاجة اللي ابيها ولو كانت شيء غالي احط هدف ببالي راح اجيب معدل عالي عشان اخذ مكافأة التفوق واشتري اللي ابيه
تكفون كتبكم لا توصخونها النظافة والترتيب تلعب دور نفسي وقت المذاكرة لما كل شيء يكون مرتب راح تتحمسون لو شوي على المذاكرة اعتمدوا على اوراق الملاحظات تسجلون عليها افضل من الكتاب، وعشان لما نخلص المادة نعطيها احد غيرنا يستفيد منها
ختامًا اتمنى ولو بنسبة ٢٥٪ كلامي يكون مفيد لكم اللي حكيته لكم تجربة عشتها، لا تعيشون انفسكم بتوتر استمتعوا وحبوا الجامعة حتى وان كنتم بتخصص ماتبونه لا تحطون هدفك B+ او B ترى A+ مو صعب ابدًا مثل ماقلت لكم الموضوع حضور واهتمام يومي اعطوا نفسكم يوم بريك من كل شيء يخص الجامعة سوو اشياء تحبونها، أتمنى تكونون ب أعلى المراتب وبإذن الله تكون معدلاتكم عاليه دائمًا والله يحقق لكم جميع ما تتمنون ويجعلها سنة سعيده عليكم، شكرًا لأنكم سمعتوا مني🏻♥️
وهذي بعض الروابط للبرزنتيشن
وهذا لو حابين تلخصون شيء طويل صوروا الورقة وراح يكتب لكم الكلام
Text Scanner (OCR) by Govarthani Rajesh
لو عندكم ملف pdf مثل الملزمات وغيرها وحابين تذاكرونها من الايباد هذا مره حلو فيه تسجيل وتخطيط وكل شيء جربوه قبل بيعجبكم
وهذي التغريده ممكن تفيدكم
وبختام هذي الفقرة أتمنى تكونوا استفدتو معانا 😍❤
ضيفنا العزيز واعضائنا الأعزاء
نبغى نعرف إنطباعكم عن الفقرة سواء بفائدة أو كلمة أو ما يخطر في أذهانكم📝
شاركونا في هاشتاق :
#متخرج_ومجرب
🔹بالنسبة للخريج أكتب اسم قروبك وانطباعك عنه
🔹بالنسبه للطلبة اذكرو اسم خريجكم والتخصص
تغريدة وحده راح تفرق 👏💜
