السلام عليكم ورحمة الله وبركاته
🌹😍 حياكم الله جميعا وسعيدة بالاستضافة الجميلة
بدايه أحب أعرفكم بنفسي
نهى نواف /اخصائية علاج نفسي /التخصص علم نفس جامعة الامام محمد بن سعود بالرياض
وحاليا باحثة في مرحلة الماجستير .
👀 قبل مانتحدث حابة أعرفكم على تخصصي طبعا أول مايتبادر الى أذهانكم اذا قلنا علم النفس
التخصص ماهو كذا ولا احنا معنا شي سحري نعرف ذا الشي هو "😂 "أبي اعرف الاشخاص الي قدامي وش يفكرون فيه و أحللهم
علم مثل هالعلوم الي ندرسها ولكن يهتم بدراسة سلوك الكائن الحي والسلوك الانساني بشكل خاص بهدف التوصل إلى فهم هذا السلوك
وتفسيره والتنبؤ به والتحكم فيه "ولا يقتصر على سلوك الانساني فحسب بل يشمل الكائنات الاخرى " يعني ايش ذا الكلام يعني
السلوك الي يصدر من الانسان اعرف اسبابه بناءا على نظريات وأبحاث أثبتت لنا ذا الموضوع وفي حال كان هالسلوك مضايق
.👏☔️ الشخص بأساعده يغيره بخطط علاجية وفنيات علمية مدروسة و ممكن اني اتوقع انه بيتغير في المستقبل
وطبعا هالتخصص ينقسم الى أقسام متعددة جدا ويدخل في جميع مجالات الحياة "ويمكن الرجوع والتزود بالاطلاع على المجالات
الاخرى في -كتب علم النفس العام في قوقل -
" ولكن سوف اقتصر بالذكر على المجالات العملية الحالية في المملكة العربية السعودية
علم النفس السريري - 📍 Clinical Psychology 🥼🥼. في هذا القسم يقدم ويساعد الافراد على تشخيص وقياس
وعلاج الاضطرابات النفسية "وعادة يكون العمل في عيادات النفسية المتخصصة والمستشفيات ".
علم النفس التربوي - 📍 Educational Psychology.🥼🏫 وهنا يهتم بمجال الدراسة وتربية الافراد من
الصغر وتنمية إمكاناتهم وشخصياتهم ويركز بصفة خاصة على عمليتي التعلم والتعليم والتدريب والأسس النفسية لعمل المدرس.
"غالبا العمل في ميدان التعليم والارشاد "
علم النفس الإرشادي - 📍 Counseling Psychology. يهتم بمساعدة الأفراد على معالجة مشكلاتهم أو الوقاية من بعض المشكلات
المتوقعة و تنمية مهارات الحياة الأساسية لهم. "العمل هنا في مراكز متخصصه ومستشفيات "
علم النفس الأسري/العائلي - 📍 Domestic Psychology. 👨👩👦👦 يهتم على مساعدة الأسرة في انجاز وظائفها المتعددة بصفة
خاصة مثل الانجاب والزواج ، وأدوار الافراد في الاسرة وتحقيق المطالب الفرد الضرورية داخل الاسرة "يعني يحل المشاكل داخل
الاسره ويساعدهم أنهم يفهمون بعض ويعالجونها.
ووصلنا الى أهم نقطة والكل يبي يعرفها ماهو المستقبل الوظيفي لهذا التخصص 🚨
طبعا المستقبل في هذا التخصص يكون على حسب أهدافك الجميله الي مخطط لها أما انت تكون
الاهداف أكاديمية ونعني بالاستمرار في استكمال للدراسات العليا والوصول الى الدكتوراه وبعدها تكون "أستاذ/دكتور جامعي " 📍
.📚 معلم في التعليم العام يدرس المواد التخصص المطلوبه 📍
وأما مهني ونعني به "أخصائي/ه نفسي/ه " وهو مساعدة الافراد بالتشخيص وعلاج الاضطرابات النفسية "غالبا العمل هنا يكون 📍
بمستشفيات المتخصصه ومراكز العلاج النفسي "
وأما "مرشد طلابي " وهو مساعدة الطلبه على التخلص من المشكلات النفسيه التي تعيق تقدمهم الدراسي "العمل يكون هنا 📍
بالمدارس الحكومية والخاصة "
طيب بعد ما حددت أهدافي و قررت وبعدين وش بيحصل قدامي فخلينا نقول أنك تبي /ين سلك المهني "أخصائي/ه علاج نفسي " فهنا
تحتاج الى ترخيص من الهيئة السعودية للتخصصات الصحية هالترخيص يخليك تزاول المهنة في المستشفيات ولابد منه بس صار شي
جديد هذا السنه الي هو
أنهم ادراجو هالتخصص من ضمن الكليات الصحية في بعض الجامعات ويكون المسمى التخصص "علم نفس عيادي clinic psychology “ كجامعة الاميره نورة بالرياض وجاري فصل هذا التخصص عن غيره من الاقسام المذكورة في الاعلى لتكثيف
التدريب عليه لما من أهمية عالية وحاجة المجتمع له ، يعني في السنوات القادمة هذا القسم من التخصص بيكون نفس التخصصات
الصحية الي نعرفه وبتكون دراسته باللغه الانجليزية ويتطلب اشياء كثيره في القبول فيها وكل كلية أو جامعة بتعلن عن هذه المتطلبات
في الوقت المناسب فاذا لك /ي شغف في هذا التخصص فتوكل على الله و ادرسة طيب باقي لنا نقطة أخيرة وش الجامعات الي تدرس
هذا التخصص
جامعة الملك سعود بالرياض 📍
جامعة الامام محمد بن سعود بالرياض 📍
جامعة الاميرة نورة بالرياض 📍
جامعة الملك عبد العزيز بجدة 📍
🌹💡 وبكذا نكون أنهينا النبذه البسيطة عن تخصصي وان شاء الله اني أفدتكم فيه وحياكم الله اسئلوا بالي تبونه
يعني دحين مثلا لو درست علم نفس هل اقدر اكون زي اللي حيخش تخصص دقيق بعد الطب ويسمى طبيب نفسي؟
لا لازم تدرسي الطب وبعدها تقدري تتخصصي اكثر في الطب النفسي وممكن تأخذي دبلومات في العلاج النفسي الي هو شغلنا بيكون كذا جمعتي
بين الجانب الدوائي والعلاج النفسي الي هو بالجلسات اذا انتي حابه تجمعي بين التخصصين في حين اذا حابه تدرسي بكالوريوس علم النفس
تقدري تصرفي ادوية بعد ما تأخذين ماجستير في تخصص مهتم بالكيمياء الدوائية ويكون امتداد للجانب النفسي وغالب هذا التخصص متوفر
خارج السعودية
دحين الطبيب النفسي هوا يقدر يصرف ادويه بينما اخصائي علم النفس مايقدر يصرف الا لو اخد ماجستير؟
نعم "والماجستير يكون متخصص في الكيمياء" وغالبا الي يسلك التخصص يميل الى ان يكمل دراساته في نفس المجال بمعنى ممكن يكمل في
العيادي او الارشاد...الخ لانه التوجة الان يحتاج ناس متخصص اكثر
الماجستير مهو موجود بالسعودية؟حق الكيمياء
على حسب معلوماتي والاكيد خارج السعودية موجود بس اذا فتح هنا حديثا ماعندي خبر به
كيف عرفتي ان ذا التخصص الصح لكِ؟
👏 اشكرك سؤالك جدا رائع
وتحتاج الاجابه اسطر عشان توصل ربع المعلومة
بداية الموضوع شوفي شغفك وين ؟ انتي انسانه تحبي تساعدي وتعطي وعندك مرونه بالتعامل مع الناس والا ؟
في بدايات كنت نفسكم احس بضياع واحس اني مالي اتهمام بتخصص معين
💪🏻 ولكن بعد ماعرفت نفسي وفهمتها عرفت اختار تخصص الي ابيه والي اطمح له
نصيحتي لك اقرئي في التخصصات الي تشدك وبين الفترة والاخرة استبعدي الي ماتبينه في النهاية بتحصلي نفسك صفيتي على كم تخصص
واعطي نفسك فرصة تتعميق فيهم وبتوصلين للي تبينه
وفي وصلتي ودرستي ما اعجبك حولي لغيره الاهم انك لا تضيقين على نفسك وتجلسي في مكان ماعندك شغف فيه
وطبيعي جدا يصير كذا بس الاهم نفس ماذكرت لك ابحثي عن شغفك
ممكن اعرف سلم الرواتب؟
بالعادة في المستشفيات الحكومية مالايقل عن ١٠ الالف بداية السلم الوظيفي وبرضوا تقدري تفتحي عيادة وتشتغلي بنفسك
❤️🌹 سعيدة بتحدث معكم
وان شاء الله افدتكم ولو بالقليل
واتمنى لكم كل التوفيق والسداد
🌹🌹 دمتم في أمان الله
