مقالة عنوانها ( متخرج ومجرب ) 🎀💙
#TWAS
أهلا بيكم جميعا انا عزه خالد في السنه الاخيره من قسم التصميم الداخلي
قسم التصميم الداخلي
اولا يختلف من جامعه للثانيه
في جامعات مصنفه تحت الهندسه
وجامعات تحت تصنيف الفنون
وجامعات اخرى تحت مسمى كليه علوم الاسره زي جامعه طيبه
ثانيا كثير من الناس تفكر ان التصميم الداخلي هو هندسه الديكور
لكن في اختلاف كبير ما بينهم
هندسه الديكور تهتم بالالوان وتنسيقها مع بعض وشكل الاثاث وتنسيقه مع ان هذا يحتاج دراسه لكن ما شاء الله في ناس عندها ذوق حلو تقدر تعمل كده من غير دراسه
لكن التصميم الداخلي
دايما يهتم بالتصميم نفسه
مقاسات الاثاث
مقاسات الغرفه
ارتفاع الدرج
مثلا احيانا لما تطلعوا الدرج تحسي ان الدرج متعب
يرجع السبب ان ارتفاع الدرجه غلط
او ممكن كمان لو احد عنده شخص ذوي احتياجات خاصه يلاقي ان الكرسي صعب يدخل من الباب او صعب يطلع الرصيف
هذا كمان من اختصاص التصميم الداخلي
الديكور ما يهتم بالمقاس اهم شي عنده الشكل عكس التصميم الداخلي
كم مدة الدراسة
مده الدراسه 4سنين
هل يحتاج اني اعرف الرسم ؟
مو شرط تكوني فنانه في الرسم هو صح احيانا تحتاجي ترسمي وتلوني لكن اغلب الرسم يكون بالمسطره يعني رسم هندسي وعاده يكون في السنه الاولى والتانيه بعد كده في برامج تستخدم في التصميم والشغل يكون على الكمبيوتر
وحتى الرسم اليدوي في السنين الاولى تتعلميه يعني حتى لو ما تعرفي ترسمي ما راح تكون مشكله
ايش المواد اللي أدرسها في هذا التخصص ؟
في مواد كثير
في مواد تعلمكي تاريخ الفن والتصميم
ومواد عن الرسم والتلوين
ومواد للتصميم على الكمبيوتر
طيب فيه مواد لها علاقة بالماث ؟
ايوه في مواد تحتاج ماث زي مواد ماده مواصفات وحساب الكميات
دي الماده تحسبي فيها كميه المواد اللي تستخدميها في شغلك
هل يتطلب اختبارات قبل ما تدخلي القسم حتى يشوفو لو لك احقيه بالقسم ؟
في جامعه طيبه مافي اختبار لكن ياخدوا معدل عالي
جامعه طيبه تقبل اعداد كبيره وبدون اختبار والدراسه عربي
هل يتطلب انو تكون ممتازة باللغة؟
كل المواد بالعربي ما عدا ماده وحده اسمها مصطلحات في التخصص ودي ماده سهله يعني ما تحتاج لغه زي مثلا
كنبه=sofa
ايش ممكن تكون وظائف لما تتخرجي ؟
تصميم الاثاث
التصميم لذوي الاحتياجات الخاصه
تصميم الاثاث لذوي الاحتياجات الخاصه
وفي ناس من اللي اتخرجت تعطي دورات في استخدام برامج التصميم
هل الوظيفه تكون جاهزه لي بعد التخرج على طول ؟
بصراحه لا يعني في بنات كتير من اللي اتخرجوا قاعدين في بيوتهم لكن على حسب طموحك
وفي بنات يشتغلوا في محلات زي اريكتي في سلطانه
وفي بنات اشتغلوا في شركات تصنيع الاثاث
يعني زي ما قلتلك في بنات صاروا يعطوا دورات تدريبيه وما شاء الله يكسبوا من الدورات
بس مو معنى كلامي ان التخصص وحش لأن انا شخصيا اعرف بنات طب وقاعدين في البيت
يعني مافي مجال وظيفته مضمونه لازم تشتغلي على نفسك وتطوريها
وبختام هذي الفقرة أتمنى تكونوا استفدتو معانا 😍❤
ضيفنا العزيز واعضائنا الأعزاء
نبغى نعرف إنطباعكم عن الفقرة سواء بفائدة أو كلمة أو ما يخطر في أذهانكم📝
شاركونا في هاشتاق :
#متخرج_ومجرب
🔹بالنسبة للخريج أكتب اسم قروبك وانطباعك عنه
🔹بالنسبه للطلبة اذكرو اسم خريجكم والتخصص
تغريدة وحده راح تفرق 👏💜
