مقالة عنوانها ( متخرج ومجرب ) 🎀💙
#TWAS
السلام عليكم جميعاً ❤
اولاً احب اقدم نفسي لكم معكم : ريما الفقيه طالبة بجامعة ام القرى تخصص طب وجراحه سنه رابعه 👩🏻⚕
سعيده جداً باستضافتكم لي بهذا القروب ، اللي من لما عرفت ان الجميع هنا طالبات ثانوي مره فرحت ، واقدر فيكم حماااسكككم 😻💕
ولا يجي ببالكم انه لسا بدري ع الجامعه او التخصص بالعكس الثانويه هي الوقت المناسب اللي الانسان يختار فيه حلمه ويعيش حياته عشان يحقق هالحلم 👌🏻
^ بدايةً انا كنت طالبه مثلكم ومريت بكل الظروف والضغط اللي تمرون فيه واللي باقي بعد مامريتم فيه ، لكن بالنسبه لحلمي وهو اني ادخل بكلية الطب طبعاً كنت مختارته من زمان من عمر ٥ سنوات والحمد لله اني حققته ولازلت اسعى فيه ..
📍الجميع هنا اكيد يعرف المسؤوليه اللي انبت ع اكتافه من هاللحظه ، الثانويه هي اهم مرحله دراسيه بحياة الانسان لان حياتك الجايه ومستقبلك حينبي ع نتايج الثانوي 📚📝
فلازم تشدوا حيلكم لانه والله امانةً فرحة القبول بالشي اللي تبونه ماتعادل اي فرحه ويارب كلكم تعيشوا الشعور ✨
📍بدايةً كان سبب استضافتي معكم هو اني اتكلم عن تخصصي بصفه خاصه والجامعه والسنه التخضيريه بصفه عامه ..
وكطالبة ثانوي يستلزم عليك البدء بالاجتهاد من اول يوم لك بالثانوي لدخول الطب او كان تخصص غيره برغبتك
وتجاوز اختبار القدرات والتحصيلي ، والحصول ع معدل تراكمي عالي يؤهلك للدخول للسنة التحضيريه سواءً كانت مسار علمي او طبي .. واظن ان الجميع عنده فكره عن هالشي ولابد كمان قبل اختياره للجامعه اللي حاب يلتحق فيها يكون عنده فكره عن معدلات القبول (البحث بقوقل وتويتر) والاختبارات الشخصيه وماإلى ذلك
^ حتكلم معكم بشكل عام عن تخصصي وهو الطب والجراحه بجامعة ام القرى (الطب البشري ع حسب تسمية الجامعات الاخرى)
* سنه تحضيريه مسار طبي
* السنوات القبل السريريه ( الثلاث السنوات الاولى)
* السنوات السريريه (٤،٥،٦)
* طبيبة امتياز وهي السنه السابعه
⭕ وبعد التخرج من كلية الطب الكل يقول ان المشوار الحقيقي يبدا من ذي المرحله وهي مرحلة اختيار التخصص اللي تبي تكملي فيه وتشتغلي فيه طبعاً فيه تخصصات جداً كثيره للطبيب منها نساء وولاده ، قلب واوعيه ، اعصاب ،اطفال، طب عائله ، طب عيون ، انف واذن وحنجره ...الخ
الكثير والكثير من التخصصات اللي حتكون متاحه لك وتبدي تفكري فيها وتقرري اكثر اثناء دراستك للطب
الطب والجراحه حميل جدا طبعا اكيد للي حابه وفيه صعوبات كثير ولكن بالجد والاجتهاد حتتغلبوا ع كل شيء صدقوني
اول شي حطوا ببالكم ان اللغه ابداً مو صعبه واصلاً مافي شي صعب بالتحضيري صح كل شي مختلف من نظام ووقت ومتعودين ع نظام الثنوي بس المواد واللغه ابداً مو صعبه مو صعبه لكل شخص مجتهد تذاكر اول باول بتواجهوا صعوبه بالبدايه ف الحفظ والفهم تذاكروا مايدخل شي راسك وصدقوني حتكون اول اسبوعين بس بعدين تلاقوا نفسكم تعودتواو وبديتو تدخلوا جو
بعض اسئلة القروب المستضاف للضيفة
- اكثر سؤال متحمسة اسألك هو ومخوفني ان هل الانجليزي عائق كبير في التحضيري ولا؟
لا ابداً ، انا امانةً كانت لغتي سيئه نوعاً ما وتعلمت اللغه بالتحضيري تعبت اول شهرين جداً بس مع الاجتهاد والمذاكره
لما تجي التحضيري حيختبروك اختبار تحديد مستوى باللغه عشان يحددوا مستواكم والانقلش اللي يدرسوكم بهالمرحله
- المصطلحات العلمية والكلام دا رح اتعود عليه ولا لازم اكون عارفته من قبل؟ يعني اقصد هم على طول حيعاملونا ان المفروض نكون نعرف ذي المصطلحات ولا يعلمونا هي؟
لا حيعاملوك معاملة المستجده اللي ماتعرف شي لانو حتى لو كنتي بيرفكت بالانقلش تضل اللغه الطبيه غيرظ
- هل الطب صعب ؟
سؤالك صعب 🤕💔
صعب بس نتحمل لان حابين المجال والتخصص لان دعوة المرضى وابتسامتهم لنا تسعد
وبختام هذي الفقرة أتمنى تكونوا استفدتو معانا 😍❤
ضيفنا العزيز واعضائنا الأعزاء
نبغى نعرف إنطباعكم عن الفقرة سواء بفائدة أو كلمة أو ما يخطر في أذهانكم📝
شاركونا في هاشتاق :
#متخرج_ومجرب
🔹بالنسبة للخريج أكتب اسم قروبك وانطباعك عنه
🔹بالنسبه للطلبة اذكرو اسم خريجكم والتخصص
تغريدة وحده راح تفرق 👏💜
