متخرج ومجرب ( عبدالله الحربي طب اسنان ) 🎀💙

مقالة عنوانها ( متخرج ومجرب ) 🎀💙

#TWAS

معكم د.عبدالله الحربي 

 طبيب اسنان
 متخرج من قبل ٤ سنوات
 شغال بمركز اسنان حكومي
 ومقبل ان شاء الله على ماجستير
اهلا فيكم

مدة الدراسة ؟

تخصص الاسنان مدة الدراسه سبع سنوات . ست سنوات دراسه والسابعه تطبيق تسمى امتياز

عدد كليات الاسنات بالمملكة وطبيعة المواد ؟
تقريبا يوجد بالمملكه ٢٥ كليه طب اسنان حكوميه وخاصه السنه الاولى تدرس مواد عامه كيمياء وفيزياء ولغة عربيه وثقافه اسلاميه وكورس لغه
من بعد السنه الثانيه تبدأ تدريجيا في مواد التخصص

 طبعا التخصص جميل ويعتمد بشكل كبير على شغلك باليد في العيادات اثناء الدراسه وتجميعك لحالات ونقاط من خلال المرضى اللي تعالجهم . 

تخصص حركي جميل وممتع ولكن الصعوبه تكمن في الجهد والبحث عن المرضى
لا بد من الجمع بين النظري والعملي ولكن من بعد السنه الثالثه اغلب الشغل عملي في العيادات والمعامل

العيادات ؟

طبعا لما تنزل العيادات يطلب منك مثلا عشر حالات حشوات وانت تبحث عن المرضى وتجيبهم ولما تخلص الحشوة مثلا يوقع لك الطبيب وتأخذ ٥ نقاط مثلا وهكذا في كل المواد

طبعا حالات المرضى تحصلهم مسجلين في دفتر الاستقبال بعيادات الكليه وتختار الحالة اللي تناسبك وتنسق مع المريض وتعالجه . يستفيد المريض انك تعالجه مجانا وانت تتعلم وتسجل نقاط.

الشغل على المريض يتطلب حرس ولازم الواحد يخاف ويحرص عشان سلامة المريض ولكن مع الممارسة تسهل 

الراتب ؟

طبعا راتب طبيب الاسنان اول مايتخرج ١٧ الف وشوي.
سنه الامتياز تستلم شهريا ٩٢٠٠

بعض اسئلة القروب المستضاف للضيف   

- هل الاسنان اصعب من البشري ؟

البشري اغلب شغلهم نظري اما الاسنان عملي 

- هل يتاثر درجاتك بالماده لو ما لقيت مرضى ؟

اكيد تنقص وممكن ترسب 

- في اي مرحلة يتم العمل على المريض ؟

من السنة الرابعة 

- ماهيا الصعوبات اللي واجهتك بالدراسة ؟

الصعوبه في ان الدراسه يبي لها صبر وجهد لان فيه كثرة اختبارات وكويزات ومعلومات وثاني شي الجهد في العيادات والبحث عن المرضى وتجميع الحالات والنقاط

- سمعت مقولة ان طبيب الاسنان طول عمره يدرس هل هذا صحيح وليه ؟

 اكيد لان الطب عموما مايتوقف وكل يوم يطلع جديد من شركات وادوات واجهزة وكذلك دراسات عليا.

- في تعاون بين المستشفيات وبينكم لما تدرسو ؟

نعم في تعاون اننا كنا ناخذ منهم اسنان مخلوعة ونشتغل عليها في البداية 

- كان تخصص الاسنان ببالي بس لما شفت ان اكثر المتخرجين وماتوظفوا او قاعدين ف البيت شلته من راسي طبعا ينعدون على الاصابع اللي توظفوا صحيح ؟

طبعا هالفترة قلت التعيينات لكثرة الاطباء السعوديين اللي تخرجوا ولكن تسعى الوزارة في ايجاد حلول وقد سعت في ذلك وبدأت في التنفيذ.

- ممكن تفيدنا بالاشياء اللي كانت تفيدك وانت تدرس ؟

طبعا الواحد يجتهد ويشتغل على نفسه ويقرأ وكل شيئ يتيسر 

- ندمت انك دخلت طب ولا؟
 في نص الطريق نعم . ولكن بعد التخرج يعتبر جميل وأريح من الدراسه وتشتغل وتبدع وتحصل مريض يعطيك كلام ايجابي ويحمسك لانه انبسط من الشغل ويبقى لك مكانتك الاجتماعيه في كل مكان.

درسنا سنه تحضيري مواد عامه بس كنا نعرف تخصصنا محددينه.

 طبعا الشغل على المريض ويتطلب حرص ولازم الواحد يخاف ويحرص عشان سلامه المريض ولكن مع الممارسه تسهل

- ماجستير الاسنان لو كم فرع ؟

كثير حشوت وتقويم وتركيبات وجراحه واطفال وعصب وزراعة ولثة وامراض فم ..الخ

- طيب متى تدرسو تقويم الاسنان فالماجستير وإلا متى؟

تأخذ مقدمة عنه في. البكالوريوس ولكن اللي يبي يتخصص تقويم يكمل ماجستير او بورد دراسات عليا.

- كم مده  الوقت اللي لازم الاقي مريض فيها ..؟

حسب الترم متى ماخلص خلاص ممكن يخلص الترم وانتي ماجمعتي الا قليل.

- مين الشخص اللي تقدر تقوله انه ما ينفع لك التخصص ؟

اللي ماعنده حرص وما يقدر يتحمل الجهد والتعب والضغط 

طيب الله يسعدكم يارب

اللي حاب التخصص ويبي يسال عنه يتواصل معي بأي وقت حياكم

dentistt1 سنابي
@abzalharbi  تويتر

وبختام هذي الفقرة أتمنى تكونوا استفدتو معانا 😍❤

ضيفنا العزيز واعضائنا الأعزاء

نبغى نعرف إنطباعكم عن الفقرة سواء بفائدة أو كلمة أو ما يخطر في أذهانكم📝

شاركونا في هاشتاق :

#متخرج_ومجرب

🔹بالنسبة للخريج أكتب اسم قروبك وانطباعك عنه

🔹بالنسبه للطلبة اذكرو اسم خريجكم والتخصص

تغريدة وحده راح تفرق  👏💜