مقالة عنوانها ( متخرج ومجرب ) 🎀💙
#TWAS
معاكم
الجوهرة
طبيبة اسنان
حتكلم عن تخصصي واحاول اغطيه قدر الامكان فصورة نقاط
-المتطلبات
- سنوات الدراسة
- تخصصات بعد التخرج
- مشاكل قد تواجهنا اثناء الدراسة
بالنسبة لمتطلبات الدراسة من قبل القبول
هوه تخصص من التخصصات اللي نحتاج فيها لثانوية علمي
وبعدها قدرات وتحصيلي
النسب والمعدلات تختلف من جامعة لثانية وتختلف من سنة لغيرها
في جامعات مثلا اختيار التخصص يكون بعد اجتياز السنة التحضيرية وجامعات لا من البداية انا داخل اسنان وهذي عادة نشوفها فيالخاص
النقطة الثانية سنوات الدراسة
طب الاسنان تخصص عدد سنوات دراسته 6 سنوات مع التحضيري والسابعة امتياز
وبعض الجامعات خارج المملكة تاخذه ف 5 او اربع سنوات وبعددها سنة الامتياز
نقصصد ب السنة التحضيرية هيا سنة ندرس فيها مواد عامة مثلا حاسب انجليزي فيزياء تختلف من جامعة لجامعة
بالنسبة لسنوات الدراسة
اول 3 سنوات او اول سنتين اغلبها نظري او ممعامل بس مافي عيادات
وبعد كده تبدا العيادات تزيد تدريجيا
بالنسبة لصعوبات اثناء الدراسة
في البداية اللغة بس مو مشكلة كبيرة حلها بسيط
المصطلحات الطبية
عشان تدخل هذا المجال يددربوك على مصطلحات موحدة بين تخصصات المجال الصحي وعادة تكون من ضمن مواد اول سنة
بعد كده توفير المرضى
وهذي بعد الجامعات حلتها فمارح اعمم بس فبعض الجاممعات هذي معاناة
بعد السنة الثالثة يبتدي الواحد يحس انو جزء درجاتي معتمدة على مريض بعكس باقي التخصصات درجاتي معتمدة على اجتهادي
تخصصات بعد التخرج كثير
منها
جراحة الوجه والفكين
طب وجراحة اللثة
طب اسنان الاطفال
علاج العصب
تركيبات ثابتة او متحركة
تقويم
الزراعة ضمن التركيبات او جراحة اللثة
امراض الفم
طب اسنان الاسرة او المجتمع
وغيرهم
عدد سنوات دراستهم من سنتين ل 5 تختلف من تخصص لتخصص
ييعني اتخرج بعد اول 6 سنين طبيب اسنان عام بعدها اتخصص عشان اصصير اخصائي او استشاري
الاسلئه التي طرحت على الضيف :
١-صح انو بعد فترة حيقفل تخصص طب الاسنان ؟
مو صحيح ابدا
ولكن الخطة انو يقلل عدد الخريجين
عشان مايصير في عدد كبير من الخريجين عاطل عن العمل يعني وصلنا لمرحلة عدد الخريجين فمستوى المملكة 3 الاف خريج وعددالوظايف في الحكومي مثلا 2 فقط
لكن الباب في الخاص مفتوح
عشان كده اقترحو خطة تقليل عدد الخريجين
٢-طيب ايش تخصص طب اسنان الاسرة؟
تخصص جدديد مو قديم فكرتو تعتمد غالبا على الابحاث والصفات الجينية والامراض اللي ممكن تتوارث ويشوفو الامراض اللي منتشرةفمجمتع او بيئة وكيف يحاربوها
لو خلصت و اتخصصت و اتخرجت اقدر مثلاً اسافر برا آخد شهادات و خبرة ؟ و زي ايش يعني ؟
ايوا تقدري حتى شهادات الاختصاص تاخذيها من هناك
وبختام هذي الفقرة أتمنى تكونوا استفدتو معانا 😍❤
ضيفنا العزيز واعضائنا الأعزاء
نبغى نعرف إنطباعكم عن الفقرة سواء بفائدة أو كلمة أو ما يخطر في أذهانكم📝
شاركونا في هاشتاق :
#متخرج_ومجرب
🔹بالنسبة للخريج أكتب اسم قروبك وانطباعك عنه
🔹بالنسبه للطلبة اذكرو اسم خريجكم والتخصص
تغريدة وحده راح تفرق 👏💜
