مقالة عنوانها ( متخرج ومجرب ) 🎀💙
#TWAS
السلام عليكم
معاكم وئام
خريجة احياء عامة سنة 30 /31
و حاليا بدأت ماجستير مايكروبيولوجي
اي احد بيقول احياء معناه تكلم عن كل الكون من أنسان و حيوان و نبات و البيئة
يعني الاحياء هو علم الكون
من الاحياء تعرف تركيبنا الداخلي و الخارجي و كيف صار هالتكوين و فروعه كثيرة
علم حيوان و نبات و ميكروبيولوجي
و كل تخصص له تخصصات أدق زي علم التشريح و البكتيريا و الفيروسات و الأجنة و الفسيولوجي (علم وظائف الاعضاء )-
من وجهة نظري اللي بدأت دراسة الاحياء سواء عام او تخصص دقيق تأخذه من باب المتعة و استكشاف دقايق ما راح نعرفها لو احنا عشنا حياتنا من غير دراسة علم الأحياء
لو أتكلم من اليوم لبكرة ما اقدر اوصف جمال هالعلم ☺
رغم ان ف الاول اخترته كتخصص حلو و كان متاح بس بعد مادرست حبيته☺ و كان حلم عمري أكمل دراسات عليا و الحمد لله بدأت أحقق هالحلم
اذا تخصصك عام ترى مو معناه مالك مستقبل بالعكس احنا ف زمن مو معدل و بس احنا ف وقت اي احد يقدر يكون حاجة حلوة حتى لو معدله موقد كذا يقدر يكون أنسان ناجح
ابسطها إيش معاك ف تخصص الاحياء مو مطلوب ف التوظيف و لا له مستقبل و من هالكلام
لكن متعة الاحياء ماخلتني اسمعهم او اشوفهم المستقبل بيد الله بس الإنسان له التخطيط و ربنا ييسر
الاحياء العامه بعد ما اتخرج منها ايش اقدر اتوظف غير اني اكون استاذه في المدرسه؟
من وجهه رائك يعني ايهم احسن الاحياء العامه او احياء النباتات وفروعها بشكل عام يعني 🌚؟
أول كان الاحياء العامة حلو عشان تكملي دراستك بالتخصص الدقيق اللي تبغيه بس الحين صارت التخصص الدقيق أفضل لان كل تخصص دقيق له مجاله زي المايكروبيولوجي ممكن تنفع ف المختبرات
و النبات صار له مجالات وظيفية ف الزراعة و البيئة
و لسى مع الايام راح تطلع فرص وظيفية غير التدريس لفروع الأحياء
يعني لو تخصصت احياء عامه ماراح اقدر اتوظف في المختبرات ؟
تقدري من فترة كان فيه تدريب منتهى بتوظيف ف مكة و جدة و ما اذكر فين لخريجات الاحياء العامة لسحب الدم
بس القصد مو ان الاحياء العامة مو مفيدة بس الأفضل بنظري يكون تخصص دقيق مناسب
بالعكس الاحياء العامة فرصها اكبر ف اي مجال من المجالات الوظيفية للأحياء بتخصصات دقيقة لان اللي درس عام معناه انه عنده علم بكل فروع الاحياء
هو يعتمد ع تغيير شروط الوزارات ف المستقبل
وئام تكلمي لنا عن الصعوبات اللي واجهتك اثناء دراستك ؟ كيف طريقتك بالمذاكره وتقسيم المواد؟
مااعتبرها صعوبات قد مااعتبرها دروس او مواقف تعديل سلوك تغيير نظرة للأوضاع
المذاكره اذاكر على رسمه، ف العملي كنت اشرح بيدي و أخذ وقتي ف العينة و الشرائح، و اكتب ف ورقة وصف الشرائح المجهرية بشكل افهمه و اقدر أتذكر الشريحة.
المذاكره اذاكر على رسمه، ف العملي كنت اشرح بيدي و أخذ وقتي ف العينة و الشرائح، و اكتب ف ورقة وصف الشرائح المجهرية بشكل افهمه و اقدر أتذكر الشريحة.
العلم المتخصص في الحيوان ايش اسمو ؟
و هل صحيح الأحياء يعتمد على الحفظ؟
-اسمه علم الحيوان zoology
يعتمد ع الحفظ بس يتسهل الحفظ زي ما قلت بالرسومات او الصور لانها بطبيعه الحال حقائق لو ماشفتيها بعينك ما راح تثبت
طيب فين ممكن نقدر نتوظف غير التدريس ؟ ف شهاده البكالوريوس.
-ايه فيه وظائف غير التدريس السنة ذي شفت ف جدارة وزارة الزراعة و وزارة حماية البيئة،غير المختبرات المعروف من اول.
الوظائف ممكن معلمة لو بتكملي تربوي وفيه صار ف مصانع الدواجن و الأكل و فيه بوزارة الزراعة و الري لكن الزراعة ما عندي علم عن طبيعة شغلها و فيه بالمستشفيات زي شغل المختبر.
طيب طبيعيه الدارسه كيف هل هي عملي اكثر ولا نظري ؟؟
-طبيعة الدراسة معظم المواد لها عملي و نظري.
صحيح اي شي تكون حابه حيكون ممتع لك؟
-شخصيا احبه كاستكشاف للحياة كل ماتعمقت فيه عرفت ان الحياة باقي فيها حاجات مانعرفها،من دون الاحياء ما راح نعرفها.
في تخصص مهتم بالجينات والوراثه صح ؟
فيه علم الوراثة و علم الجينيوم
هل أدرسها ف الماجستير العلمين هذي !
-فيه جامعات تدرس بكالوريوس تخصص جينيوم.
طيب تخصص الجينوم هل حيرجع يفتح؟
و ادا تعرفي ف جامعات موجود؟
ما عندي علم صراحة لان الجامعات تعتمد ع شغلات ف وجود التخصص زي الدكاترة أو تطوير للجامعة أو التخصصات المطلوبة و زي كذا.
طيب تخصص الحيوان سمعت انو يتكلم عن الانسان وليس الحيوانات صحيح دا الشي؟
ذحين زميلاتي تخصصهم حيوان كم وحدة أخذوا غدد صماء و بعضهم أخذوا تنوع.التنوع طبعا عن الحيوان و الغدد الإنسان، فمثلا لو درستي حيوان راح تدرسي تنوع وفسيولوجي و تصنيف و شوية تشريح بس كله بيكون مباديء و بشكل عام.
طيب التخصص يحتاج للحفظ اكتر؟ ولا الفهم؟
العلم ذا فيه تفاصيل دقيقة يبغالها تركيز و تثبيت بالعملي او الرسومات و ممكن الفيديوهات
ايش الفرق بين الفني والاخصائي؟
الفني يكون دبلوم و الاخصائي يكون بكالوريوس او أعلى.
اذا اخذتي تخصص احياء وتخرجتي منها يعطونك فرصة الدخول للطب في امريكا حتى السعودية زيها ولالا؟
ينفع بس فيه معادلة المواد،بس كمان قبل لا اي وحدة تحول تشوف شروط جامعتها عشان تشوف تقدر او لا،لان المعدل و سنوات الدراسة و المواد اللي دراستها تأثر.
اختباراتكم صعبة ولالا؟
سهولتها و صعوبتها ع حسب الدكتورة او الدكتورة هو اللي يلعب ف حسبة الاختبار.
وبختام هذي الفقرة أتمنى تكونوا استفدتو معانا 😍❤
ضيفنا العزيز واعضائنا الأعزاء
نبغى نعرف إنطباعكم عن الفقرة سواء بفائدة أو كلمة أو ما يخطر في أذهانكم📝
شاركونا في هاشتاق :
#متخرج_ومجرب
🔹بالنسبة للخريج أكتب اسم قروبك وانطباعك عنه
🔹بالنسبه للطلبة اذكرو اسم خريجكم والتخصص
تغريدة وحده راح تفرق 👏💜
