مقالة عنوانها ( متخرج ومجرب ) 🎀💙
#TWAS
السلام عليكم ورحمه الله وبركاته.
مساء الخير للجميع 
معاكم مها عمر، خريجة تمريض.
كبداية حابه أتكلم عن أكثر الأشياء للي كنت احتاج أحد يكلمني عليها في بداية مشواري في كليه التمريض، وحابه احكيلكم عن قصتي 
..
" في بداية ماكنت حابه ادخل تخصص التمريض كنت حابه ادخل مختبرات ، وكانت المختبرات والتمريض كلها دارجه تحت كليه " العلوم الطبية التطبيقية " ، وكان في فرق بسيط بالفواصل ما بين تخصص المختبرات والتمريض ، فوجدت نفسي في التمريض ما كان عندي أي مشكله في الدخول لهذا التخصص ما حسيت إني ما ابغى ادخله قلت خليني اجرب ادخل ممكن يعجبني ، لكن في الجهة الثانية اهلي كانوا رافضين رفض شديد شديد جدا كان عادي عندهم اخرج من الجامعة على إني اكمل في مجال التمريض ، كان الصيف عباره عن بكاء وزعل وأهلي جدا رافضين وخبروني إني لازم احول لأي تخصص ثاني حتى لو أقل ولا أكون في التمريض ، رغم انه معدلي ما كان منخفض ابدا بعد مااقنعت اهلي وخصوصا الوالد في إني ادخل تمريض لسنه وبعدها أحول للتخصص الذي اريده ، كان مفهوم التمريض للأغلب عباره عن اني احط ابره واشيل ابره أتكلم انجليزي وانتهى بعد ما دخلت التمريض لأول سنه الدكاترة طمنونا جدا وشجعونا جدا على هذا القسم ، بعد ما درست لأول سنه طبعا كان المنهج جدا كبير وكثير وماكنت مفكره ولا اظن انه التمريض بهذي الطريقة ، بعد فتره صاروا حتى اهلي مقتنعين فيه لمن شافوني ملمة في جميع نواحي التمريض صرت مرجع لعائلتي من ناحيه الامراض والأدوية والتحاليل مع إني كنت طالبه، فكانوا جدا مبهورين ان التمريض يطلع منه كل المعلومات ، والتمريض سار نقله كبيره في حياتي انا فخوره حمدلله انه اخترت هذا التخصص وجدا انصح الناس ان يدخلوه . "
حابه اخبركم عن بعض النقاط اللي حتفيدكم في التمريض بإذن الله :
ـ كون/ـي ممرض/ـه مثقفه:
علمكم هو الذي حيغير نظرت الناس لكم ، بمعنى لا تعتمدوا فقط على الكتب ولا على المحاضرات ، التمريض او أي تخصص طبي لازم تشتغلوا على نفسكم بمعلومات جديده .
ـ الرهبة من التخصص لأنه إنجليزي :
كلنا لمن دخلنا التخصص كان الإنجليزي عندنا مو تمام، بس بعد فتره من الزمن والوقت اتعلمنا وبالعكس صرنا أفضل وأفضل واكتسبنا حصيلة جميله تفيدنا في الدراسة وعلى المستوى الشخصي.
ـ افهم/ـي المعلومة مو للاختبار لنفسك:
بالمختصر لمن يجيني أحد يسألني عن التخصص أكون فاهمه المرض، لأني درسته واتغلغلت فيه.
ـ المقارنة بين الطب والتمريض:
غالبا يوجد دايما مقارنه بين الطب والتمريض لازم نفهم ونستوعب إنه نحنا كتمريض ما نشتغل تحت ايد الدكتور لا نحنا تخصص منفصل تماما فالطبيب يكون التركيز على المرض نفسه، اما التمريض فـدراسته تكون عن المريض نفسه باحتياجاته وهكذا ولكن نتفق انه كلنا ندرس عن الامراض والمعلومات الطبية.
ـ التدرج المهني والتعليمي:
يمكن التدرج المهني او التعليمي من خلال التقديم على المستشفيات والعمل فيها ثم الترقية للأعلى، فالتمريض بحره واسع جدا وغير محصور على صوره نمطيه معينه.
ـ الراتب:
بالنسبة لرواتب التمريض تعتبر الرواتب جيده مقارنه بالوظائف الأخرى وخصوصا لحديثي التخرج، فتكون مختلفة من مستشفى لأخرى ومن كونها مستشفى حكومية او قطاع خاص.
ـ الوظائف ودوام الشفتات :
بالنسبة لتوفر الوظائف يعتبر التمريض أكثر الوظائف الذي يوجد فيها نقص سواء في السعودية او في العالم اجمع، يستحيل أن نكتفي من هذا التخصص، وبالنسبة للشتات تكون على نوعين على حسب نظام المستشفى.
فيوجد نوعين للشفتات :
أ ـ ٨ ساعات مقسمه الى ٣ شفتات في اليوم صبح ، عصر، ليل .
ب ـ ١٢ ساعه تكون مقسمه الي شفتين صبح ، ليل .
ويمكن ان تتواصل/ـي مع نظام المستشفى او رئيسه القسم إذا لم يتناسب معك، وعلى العموم فإن المستشفيات جدا امنه.
وختاما:
ويعتبر التمريض من أكثر التخصصات المرنة تستطيعوا بشهادة التمريض ان تجدوا أي وظيفة تفضلونها في المستشفى سواء في التكنولوجي او القضاء او في هيئه التخصصات فيـوجد لديه مجالات كثيره، تذكروا دايما ان هذا التخصص قد وضعكم الله تعالى فيه لكي تساعدوا وتفيدوا الناس.
وبختام هذي الفقرة أتمنى تكونوا استفدتو معانا 😍❤
ضيفنا العزيز واعضائنا الأعزاء
نبغى نعرف إنطباعكم عن الفقرة سواء بفائدة أو كلمة أو ما يخطر في أذهانكم📝
شاركونا في هاشتاق :
#متخرج_ومجرب
🔹بالنسبة للخريج أكتب اسم قروبك وانطباعك عنه
🔹بالنسبه للطلبة اذكرو اسم خريجكم والتخصص
تغريدة وحده راح تفرق 👏💜
