مقالة عنوانها ( متخرج ومجرب ) 🎀💙
#TWAS
اول شي احب اعرفكم بنفسي
✨ انا بدور ملا
اخصائية تغذية علاجية
*أول شي لازم نعرف بإنو تخصص التغذية العلاجية هو مختلف عن التغذية العامة
*التغذية العامة هوا التغذية وعلوم الاطعمة وينصحوا الناس كيف يقووا صحتهم عشان يبعدوا عن الامراض وهكذا..
*أما تخصص )التغذية العلاجية= التغذية السريرية= التغذية الاكلينيكية( فقط المسميات مختلفة ولكن هيا نفس الشي
يندرج تحت التخصصات الصحية وهو تحت كلية العلوم الطبية التطبيقية
والناس تقول بإنو دا أسهل تخصص صحي
التخصص جميل جدًا وقبل ما تفيدي غيرك انتي بتفيدي نفسك
*ايش وظيفتنا؟
نحنا نتعامل مع المرضى بمختلف الاعمار والحالات وتشخيصهم وندعم صحة المريض من خلال العادات الغذائية الصحيحة.
*في دراستنا ندرس امراض مختلفة ومتنوعة بجميع الاقسام تقريبًا في المستشفى واهم العلامات اللي ممكن تظهر ع المريض من
خلالها ممكن نعرف التشخيص وننتبه ليها ونحنا بنشوف المريض ونتعامل معاه، غير تحاليل الدم اللي من خلالها تساعد في فهمي
للتشخيص بشكل اكبر.
*بعد ما عرفنا التشخيص نحنا ايش ممكن نعمل؟
لو كان المريض منوم في المستشفى )ليس في العناية المركزة(
ندخل عليه ونشوفوا ونتكلم معاه، وننصحو بإنو ايش العادات الغذائية الصحيحة لحالتو المرضية ونفهمو أكثر.
في حال كان المريض في العناية المركزة، اغلب شغلنا حيكون في التغذية الانبوبية والوريدية، ونتابع حالة المريض ازا كانت الفورميلا
)مكمل غذائي غالبًا يكون زي الحليب وتكون ع حسب حالة المريض مضاف اليها عناصر غذائية تناسب الحالة المرضية بجرعات
معينة(
كيف نتابع حالة المريض؟
-نلاحظ على في اثار جانبية حصلت؟
-هل في تغير في وزن المريض ؟
-هل في تغير في تحاليل الدم ؟
-هل بتظهر علامات على المريض في الجسم؟
وهكذا...
*وفي حال مسكنا العيادة الخارجية للمستشفى ايش يعني؟
نستقبل مرضى ممكن محولين من الدكاترة ويحتاجو ارشاد وتعليم بشكل اكبر عن حالتو المرضية وكيف ممكن نصححها ونمشي مع
بعض بخطة غذائية تناسب الحالة وتصحيح المفاهيم الخاطئة عند المريض وكيف نعدل نمط الحياة سواء من الغذاء او الرياضة
وغيرو...
*الاسئلة المطروحه.
في دراسات عليا عندنا ولا؟ وكم سنوات الدراسه فيها؟
ممكن ايوه نكمل دراسات عليا سواء برا او هنا في السعودية اللي اعرفوا بإنو جامعة الملك سعود في الرياض وعلى حسب التخصص
اللي بتاخدي فيلو الماجستير او الدكتوراه وفي الغالب بإنو الماجستير من سنتين ل ٣ ازا ما خاب ظني
التغذية الانبوبيه والوريديه هل نحن نركبها للمريض أو مجرد اننا ندي الأمر وكذه؟ وهل التخصص في اشياء عمليه؟ ولا كلو
نظري؟
لا نحنا ما نركبها ولكن نحنا نهتم في التغذية اللي بنعطيها من خلال الانبوب اشياء عملية اننا مثلاً في احتكاك مع المريض لا الا لو بس
اخدنا القياسات ع الرغم من انو الممرضين بيعملوها
ف اي جامعه درستي؟+كم السنوات الدراسيه؟
انا درست في جامعة طيبة سنة التحضيري ٣ سنوات التخصص سنة امتياز
يعني ماتتعاملو ابداً مع الابر والحاجات ذي؟
لا ابدًا
سنوات الدراسه ما تدخلو فيها معامل؟ لأن سمعت انو ندخل معامل وكذه
الا ندخل معامل اول سنة ندخل فيها، غير المعامل حتى دراستنا للاناتومي والفسيولوجي كانت بين كلية الطب وبين الكلية حقتنا
طيب بطيبه من أي مستوى تبدو تخرجو للمستشفيات وتدربو؟ غير الامتياز؟
المستوى السادس، ايوه نزلنا في مستشفى الولادة ومستشفى الملك فهد
طيب دام في معامل ليش مافي أشياء عمليه وكذه؟ ولا هي تختلف بين المستشفيات؟
المعامل دخلناها عشان نشوف بالمجاهر سواء البكتيريا وغيرها بما انو في سنوات الدراسة درسنا انواع البكتيريا وكيف تسبب
الامراض للانسان فكنا ندخل عشان نشوف انواع مختلفة وكيف النمو حقها وهكذا
كيف تدربو بالمستشفيات؟
على حسب السنة دي ايش بناخد فيها من امراض لما ننزل المستشفى يكونوا معانا مدربات او معيدات من الجامعة
ندور على حالات بالامراض اللي اخدناها نشوف تحاليل المريض والملف حقو ممكن في اشياء ما فهمناها نكلم المعيدة او الدكاترة
بعدين ندخل للمريض ونكلموا ونفهم حالتو فقط لانو نحنا بس طالبات فمو مسموح لينا بإنو نقيم او نتناقش مع الدكتور في الحالة انو
المفروض كده ونعمل كده ولا حتى بإنو نكلم المريض ونقلو سوي كده واعمل كده بس في الامتياز لا عادي الوضع بما اني سرت
اخصائية ولكن ارجع للاخصائية الاساسية طبعًا
تنزلكم حالات طارئة أو حساسه؟
لا ما عندنا كده
غير لو قصدك في التوظيف يعني ممكن المستشفى تكلمك ؟
بعد ما تتخرجي وتتوظفي أو بالامتياز سمعت انو ممكن تكون في حالات مرره تنتبهي لها لأن أي غلط ممكن يروح فيها الشخص دي
في العناية المركزة والتغذية الانبوبية والوريدية هيا دي الحساسة ولازم ننتبه في الكميات وفي حساباتنا وممكن لو سار شي للمريض
يتصلو علينا انو تعالي غيري الفورميلا او الكميات المريض سارتلوا اثار جانبية، وانا حروح واشوف ايشالسبب وممكن ساعات ما
يكون مننا وتكون دي اثار جانبية لادوية فلما احد يكلمك انتي ممكن تقولي سوي واعمل كده بطريقة انو بس تخلي الحالة مستقرة وانتي
اليوم اللي بعدو تروحي وتفهمي اكتر
طيب كيف الدراسه بطيبه؟
لأن في مشكله سارت العام للمتخرجين بمسمى التخصص اتوقع وما كان في توظيف
قصدك بين اخصائي وفني ؟
بين أخصائي وعلوم اغذيه وتغذيه مدري إذ هو فني أو شي ثاني طيب زي ما قلت فوق في البداية بإنو تخصص التغذية العامة هوا
تخصص علوم الاغذية والاطعمة واللي اعرفوا انهم يتخرجوا بمسمى فني تغذية وليس اخصائي لانو الاخصائي تخصصو التغذية العلاجية او
الاكلينية او السريرية، يعني فني التغذية مارح يعمل اللي انا بعملو، لانو كل واحد فينا دراستو غير، وانا تخصصي صحي، اما التغذية العامة
مااعتقد انو تخصص صحي لانو عندنا في الجامعة مايندرج تحت التخصصات الصحية
كم نسبه الأخطاء الطبيه بتخصص؟ ولا ما في؟
حمدلله ماعمري سمعت الصراحة
في اختبار هيئه؟
موجود يعني حاليًا في هيئة التخصصات الصحية منزلين شروط للي حيختبر انو الاختبار مو للكل، وغير كده دكتورتنا في الجامعة كانت قالتلنا
بإنهم في احتمال كبير انو حيسير لكلالخريجين
طيب إذ ما أخذت هالاختبار ايش حيختلف؟
الدرجة للنجاح اعتقد 🙂 مارح تقدري تتوظفي ٦٥ لما قرأت 🧐 ٪
وبختام هذي الفقرة أتمنى تكونوا استفدتو معانا 😍❤
ضيفنا العزيز واعضائنا الأعزاء
نبغى نعرف إنطباعكم عن الفقرة سواء بفائدة أو كلمة أو ما يخطر في أذهانكم📝
شاركونا في هاشتاق :
#متخرج_ومجرب
#تجربة_السنة_التحضيرية_تواس
🔹بالنسبة للخريج أكتب اسم قروبك وانطباعك عنه
🔹بالنسبه للطلبة اذكرو اسم خريجكم والتخصص
تغريدة وحده راح تفرق 👏💜
