TWAS Orientation: سبتمبر 2017

مقالة عنوانها ( متخرج ومجرب ) 🎀💙

#TWAS

السلام عليكم ورحمة الله وبركاته

فخورة اليوم انّو مجموعة زي تواس اتاحت ليا الفرصة اجي هنا و اتكلم عن تجربتي في السنة التحضيرية 😍😍

انا زينب عبدالرحيم جدو ، طالبة طب و جراحة في جامعة طيبة ، لسا اول سنة طب 🌝😂👩🏼‍⚕
العام كنت زيكم كنت تحضيري و كانت سنة جداً ممتعة و رائعة فَ راح انقل لكم تجربتي الحمدلله اول اسبوع من الدراسة عدا عَ خير كان اسبوع تعريفي و تكلمو معاكم كتتتير عن الجامعة و السنة التحضيرية و كلام كتييير في وحدا من البنات زميلاتكم لخصت اللقاء في نوت دي هي فيكم تشوفوها للي ما حضرو اللقاء 👌🏻💓💓 .

كتبت مدونة عَ تويتر موجودة فصلت فيها السنة التحضيرية من الناحية الاكاديمية يعني طبيعة المواد و الخطة الدراسية .... الخ

https://twitter.com/zainabjeddo/status/891833089256820736

دي هي ازا ما شفتوها او حابيين ترجعو لها
لكن انا اليوم هنا معاكم حابة اتكلم عن حاجة تانية من تجربتي

حاب اطرح ٣ نقاط تفيدكم اكتر من كلامهم في اللقاء التعريفي ؛

🌟تنظيم الوقت في السنة التحضيرية
🌟مصادر المذاكرة
🌟عائق اللغة الانجليزية

🌟 تنظيم الوقت ⏱

تنظيم الوقت ي اخواتي يفرق اذا عندك

-check list

-weakly list

-month plan

-Do list

⭐️check list:

للمهام اليومية والمهام الأسبوعي.

-مثلا اكتب الرقم واحد اهم شي لازم انجزوا

يعني الاهم ف المهم ف الأقل .

يعني موعد دكتور الاسنان لازم احطو اول شي

لأنه اهم ما يوجعني ضرسي ف الاختبار او اتغيب ع المحاضرات .

-تبين لكم check list هل انتي حققتي الانجاز ولا متهاونه.

⭐️weakly list

تكتبي اذا عندك واجبات او مشاريع

-ميزته يوضحلك ايش حققي وماهي مشكلات التنفيذ عندك ..لازم تعرفوا الحكم ع النفس

يعني اذا حققتي وحده من المنظمات الوقت هذي

انتِ كذا تكافئ نفسك .

⭐️month plan

هذي مثل التقويم تعلقيها بمكان تشوفيه كل يوم

جدار مكتبك او دولابك ،تحددي مثل مواعيد الاختبارات عشان كل ما تشوفي التخطيط تشطبي

يوم بعد يوم وراح يبين لك اليوم اللي مثلاً أأجل في كل اعمالي اذا عندي اختبار ، يعني لو دوره او نادي أأجلهن لبعدالأختبار.

⭐️Do list

اكتب الاشياء والأوامر المهمة اللي اسويها اليوم

-احل الواجب حق الرايتنق واكتب وقت تنفيد من نص ساعه الى ساعه ،لا تحددو مثلا من ٨ الى ٩ لا حسبالضروف بس المهم بنفس اليوم هذا اي وقت احل الواجب من نص ساعه الى ساعة.

-مثلاً اروح المكتبه اصور ورقه

لاتعتمدوا ع الذاكره

فجأه تروحي البيت تنامي وتصحي وتتفاجئي انك ما صورتي ورقه مهمه ..عشان كذا اكتبوا لا تنسوا.

*كتابتي لهذه الأمور تجعلني مُلمة في الأشياء اللي انجزها .

⭐️نصيحة

*لا تقسوا ع نفسكم ف البداية عادةً اول اسبوع يعطوكم مقدمة ، لكن احرصوا أن تحضروا الدروس قبلالمحاضرات وخاصتا الانجليزي تترجمي الكلمات وترتبيها ،كل ما رتبتي امورك

تروحي الجامعه بدري وترجعي بدري .

-الويكئند هذا وقتكم الخاص ، من يوم تبدا الاختبارات انتو يكون عندكم كل ثلاثاء فمثلاً الأربعاء ماعندك شيءخلاص داومي وانتِ مروقه وخذي لك قهوه وانبسطي ولاتفكري بشي خليك مرتاحه لما ترجعي ابدئي ذاكري حقمادة اسبوع الجاي.. ،وذاكري الأربعاء والخميس ليش تذاكري دحين عشان الجمعة والسبت تقدري تمارسي هواياتكاو تطلعي .

*بإمكانكم تذاكرو كل شي بيوموا او بالويكئند

بس افضل تذاكروا اول بأول عشان ما تنزنقوا وقت الاختبارات ويصير عندكم وقت مراجعه

واهم شي تحضروا وقت المراجعه للأختبارات

وتكوني قبلها مطلعه على الاهداف الرئيسيه بالكتاب وتذاكري عشان لما تروحي المراجعه ممكن الاستاذه تنبهك عنقطه ما ذاكرتيها .

-اليوم اللي قبل الاختبار لا تخلوه وقت مذاكره فقط مراجعه وحل اسئلة وتدريب ولا تغيبوا فيه عشان تذاكرا الدكاترهما راح يراعوا انو عندك اليوم اللي بعدوا اختبار وتغيبي عشان تذاكري وينحسب لك غياب وتفوتك اشياء مهمه ..لذالك ذاكرري اول بأول .

*من البداية اذا نظمتوا وقتكم راح تحبو الحياه الجامعية،ويكون عندك وقت طويل تكونين في علاقات وتجلسي معالبنات وتنبسطي وقت البريك مو تقعدي شايله هم الاختبار ،بإمكانك المحافظه على حياتك الإجتماعية والخاصة منخلال تنظيم الوقت هذا الشئ راح يوصلك لوظيفة احلامك والمستقبل الخاص فيك والمبهر اللي انتي قاعده تبنيهوانتي الان وصلتي لثاني طوبه ف يالله واصلي

*دفعة إيجابية عَ الاخير ، ربّي ما حطكم في دا المكان اللي عارف انكم قدو و اللي قبلكم اجتازوه عَ خير ما عندهم يدزايدة ولا عقل زايد عنكم انتو قدها بس شدو حيلكم و اثبتو لِ نفسكم

🏻

🌟مصادر المذاكرة ✒

أكثر سؤال يبادر ذهنكم دحين نحنا في الثانوي كان عندنا كتاب خلاص اخدنا الدرس نرجع البيت نذاكر الي في الكتاب وهو الي حيجينا في الاختبار، بس دحين أنتو جامعة خلاص صرتو كبار ،مصادر المذاكرة تختلف من مادة لتانيه تفرق من دكتورة للدكتورة تفرق في كل شي.

الدكتورة الي حتساليها دا مهم اكيد حتقولك مهم لانو ممنوع نظاميا انو دكتورة تقولكم دي الجزئية ماتجي في الاختبار او محذوف.

في التحضيري اهم حاجة منسق المادة

مين هو؟

دكاترة كل قسم راح يحطو اسئلة بشكل عام و يدخلوها النظام لان الاختبار الكتروني فَ يجي *منسق المادة* قبل الاختبار و يصنف الاسئلة دا الشيء مهم يجي و دا مالو داعي.

فَ دا الشخص هو مصدركم الموثوق في التحضيري و اذا كان يدرسك خير و بركة

منسق المادة في مرات يكون من قسم البنين ومرات يكون من قسم البنات تكون عندنا دكتورة مركزية وغالبا بيكونو كابل

نظام التحضيري غالبا الدكاترة مايتعمقو في الشرح واذا فصلو وشرحو يكون من باب العلم فممكن هادي المعلومات الزيادة تشتتكم لانو ما حتلقوها في السلايد فتضطروا تبحثو عنها ويجي الاختبار يكون مركز على الاشياء الأساسية وبسبب المعلومات الزيادة أنتو اتشتتو فعشان كدا منسق المادة هو عضو مرة مهم وأساس التحضيري

طيب لو كان منسق المادة ما يدرسنا ايش نسوي؟

منسق المادة بذات الي يكون للمواد العلمية عندو سلايد يعني مثلا في سلايدات للفيزيا تبع د.عزة هي بتشرح منها لطالباتها وهي متاحة لكم كمان حتى لو ماتدرسكم عادي فتطبعي سلايد منسقة المادة وهي الي تذاكري منها أفضل ولكل دكتورة كاركتر معين في طريقة التدريس ولكن نضل نحنا نبغى المعلومة الاساسية الي تضمنلي اني اجيب 5.

نصيحة لوجه الله أنا دحين حفصل خطة خطة لكن كلامي مو واقع ينطبق عليكم أنتو حتعيشو في ظروف تانيه وبتحضرو وبتشوفو المحاضرة مرات دكتور المادة يكون في مصطلح يتعمق فيه يفصلو في الشرح ويعمل خارطة ذهنية فانتي بشطارتك ركزي حتعرفي انو هادي نقطة مهمة فاكيد ما جلست الدكتورة في دي النقطه نص ساعة تشرحها الا ولها اهمية واكيد في الاختبار أسئله تتركز حولها، وفي نقاط تعملها الدكتورة سكيب يعني تعريف كدا حتقرأو وما يبالو شرح وممكن ما تتطرق للنقاط الي تحتو.

الدكاترة عادة مايقصرو في الشرح مرات يزيدو فانا اقولكم احيانا الزيادة تكون دش وتضييع وقت لكن التقصير أبدا ما يطلع من الدكاترة التقصير مننا نحنا .

صحبتي قالتلي دي الصفحة مو معانا محذوفة من دحين اقولكم في التحضيري مافي شي اسمو محذوف ومو معانا حابه تتاكدي ممكن تروحي لمنسقة قسم المادة وتساليها ،في الاختبار انتي حتدخلي لوحدك لو جاك سؤال وما عرفتيه ما حينفعك انو صحبتك قالت محذوف.

نبدأ بالخطط:

خطة ب:

PHY

BIO

UNI SKILL

1/أول مادة علمية عندنا في خطة "ب" إلي هي الفيزياء. الفيزيا من أسهل المواد إلي ممكن تواجهكم في التحضيري لانها قشور المادة ابدا مو متعمقين فيها مرة مو دش كتير تقريبا العلوم الأساسية كلها جامعينها مع بعض ومعطينكم الزبدة منها تقريبا كل حصيلة الثانوي جمعوها في منهج واحد حتى انكم مو مطالبين باشياء كتير وتلاحظو مع الدكتور الحذف كتير في صفحات مو مهمة لاحظو الحذف مع الدكتورة.

كيف تتذاكر مادة الفيزياء؟

مادة الفيزيا مادة يبغالها شغل رياضيات يعني يبالك حاسبة ومخ نضيف و نايم.

مصادر المذاكرة: في سلايد د.عزة واذا ما تدرسك في طالباتها وفي السلايد في الحقيبه اساسا، السلايد تبعها ليش مهم؟ لانو الله يسعدها د.عزة منظمة المعلومات بطريقة حلوة وهي أصلا تشرح منها لطالباتها، عندكم الكتاب فيأسئلة اخر كل شابتر تكون ام سي كيو وفي تعاريف كمان، وطبعا كل واحد يعمل الطريقة الي تريحو، الكتاب صراحة كلامو مرة كتير فركزو كل جهدكم على السلايد، حاجة مافهمتوها الدكاترة موجودين كل دكتورة عندها ساعات مكتبية تقدري ترجعيلها فيها، اذا ماتبغي دكتورتك روحي لدكتورة عزة ماتبغيها روحي لاي دكتورة في القسم عادي، راح يرسلولكم جدول لقسم الفيزياء موجود فيه كل الدكاترة وساعاتهم المكتبية وفين مكتبها، والدكاترة الحمدلله ماعندهم حساسية اذا هي كانت تدرسك ورحتي لدكتورة تانيه بالعكس يرحبو بالفكرة تسمعي المعلومه من اتنين افضل من واحد.

الشي التاني عندك في بنك الجبالي أسئلة تترسلكم على الايميل من الدكاترة أسئلة مرة حلوة وفي الاختبار يجي منها فما اضيع وقتي في الكتاب والسلايدات واشياء تانيه واشوف الاسئلة على اخر خمس دقايق قبل الاختبار لا،دي الأسئلة اخد وقتي فيها واحلها سؤال سؤال وافصلها واشوف الحل من فين جا.

مافي مشكلة نستعين بمدرسة خصوصية ادا حسيتو انكم مو ملمين بالمادةبالعكس ولا نجلس ونحط الحزن في القلب وبس نقول نحنا مانفهم ونحنا فينا وفينا. فأفضل طريقة لمذاكرة الفيزيا السلايدات وشغل حل حسابي رياضيات كتيير يعني اجلسي حلي اسئلة بنك الجبالي سؤال سؤال.

الاسسمنت عادة راح تحلو مع الدكاترة وما احس يجو منو كتير. ونقط أخيرة ذاكروا التجميعات تفيدكم تفهمو هما مركزين على ايش، غالبا هما تركيزهم ع التعاريف الوحدات تحويلات مع الدراسه مع الدكتورة راح تعرفو انو التحويلات معاكم من اول شابتر لاخر.

2/الأحياء نفس أحياء الثانوي بالزبط عبارة عن خلايا والليبد وكربوهات والتنفس الضوئي والخلوي يعني كلو درستو في الثانوي مافي شي جديد، الاحياء اهم حاجة فيه منسق المادة في من قسم البنين اسمو الدكتور كمال ومن قسم البنات دكتورة نبيلة. د.كمال من افضل الدكاترة وتقدرو تتواصلو معاه يا بنات ناخدو رقمو من البنين راح يساعدكم كتير ترسليلو السؤال يرسلك الحل واذا تبي التفصيل كمان يرسل ما يقصر.

الاحياء مادة ماتنهمل يعني مو قبل الاختبار اذاكرها لا، مادة يبالها حفظ وتتعمد عليك مو على الدكتورة، والافضل المذاكرة من السلايدات ما انصحكم بالكتاب . الكتاب دش مابعد الدش بس برضو الكتاب يعتبر مصدر اساسي في حال في معلومه مافهمتها من الدكتورة. هو تقريبا نفس السلايد بس انو مفصل نقطه بالتفصيل يعني ياخد فيها صفحة،اطبع اسمنت وغالبا حتحلو نصو مع الدكتور في اي كليكر والباقي حيطلبو منكم حلو وتجيبو ف ورق فحلي لنفسك مو عشان الدكتورة قالت. في اوراق هوم وورك يرسلوها الدكاترة على الايميل قبل الاختبار تنحل دي كمان، خلو يوم الاثنين كامل لحل التجميعات الي يرسلوها الطلبة والاسسمنت لانو الاسئلة ام سي كيو فتلاقو تجميعات كتيرة فخلو اليوم كلو بس لحل الاسئلة الي جاتكم او الي طلعتوها انتو. يعني الاحياء مادة حفظ يبالها تلخيص وتجميع معلومات يبالها تمرين وحل أسئلة كل ما حليت أكتر كل ما يدي اتعودت على الحل كل ما انا افهم الاسئلة تتمحور عن ايه. وايش النقاط الرئيسية الي يحبو يطرحوها في الاختبار. وغالبا في الاحياء اذا شفتي اجاباتين صح وفي فقرة انو جميع الاجابات صحيحة فاختاري فقرة كل الاجابات صحيحة لانو غاالبا هي مصطلحات علميه فاذا كانو اجابتين صح فاكيد التالته كمان صح .

والاحياء مادة ما ينشال همها بس ماتهمليها يعني كل ماذاكرتي اول باول كل ما ارتحتي وكل ما اهملتيها كل ماحسيتيها هم على قلبك، طريقة اخرى فعالة للمذاكرة الي هي الفلاش كارد انتي او مع قروب مع صحباتك تتفقو فيما بينكم مثلا انا حذاكر اول جزء من المحاضرة وانتي الجزئية التانيه ونعمل فلاش كارد لكل حاجة وبعدين نجمعها مع بعض ونذاكر منها طريقة مرة حلو وفعاله وتثبت المعلومة.

مادة كلامها كتير لكنها بديهية ما تعرفو تستخدمو حاسب انتو ؟ 3/ الحاسب :المصدر الاول و الاخير لمزاكرتها الكتاب و حضورك المحاضرة لانو كلو من كلام الدكتورة و اخر كل جزئية في الكتاب في اسئلة حلوهااااا *ضروري جداً* الاسئلة منها كمان ، و قبل الاختبار في اختبار تجريبي لِ جزء العملي في معامل الحاسب وقت البريك ترا عادي تحرمي نفسك من بريك نص ساعة لِ مستقبلك و الاختبار ما يأخد ١٠ دقايق روحي و جربي بنفسك لا تجي الاختبار الا و انتَ عارفة طبيعةُ و شكلو و طبعاً في MCQ لليل في الحقيبة ارجعو لها . و افضل طريقة لمزاكرة الحاسب بالتلخيص و المايند ماب علشان معلومات كثيرة و مترابطة مو مقالي علشان احفظ كل تعريف بالعكس دا اختياري سهل عليا المهمة فَ اكون زكية و اعرف اش المفاتيح اللي ازاكرها و تجي و دا طبعاً ينبهو عليه الدكاترة فَ لما اكوم غايبة فاتني دا الجزء ولا اعتمد عَ غير هو يحضر و ينقل لي المعلومات ليه مو انا احضر و استفيد ترا مستقبلك مو مستقبلهم.

4/ مهارات الحياة الجامعية: مادة حلوة للدراسة و خفيفة و سيئة في الاختبارات علشان ما اكدب عليكم كانت مزاكرتها هم ينشال عَ قلوبنا بس طبعاً انتو ما راح تشيلو هم لاني هنا اعلمكم كيف تزاكروها ، حضورك محاضرتها تنمية لحياتك الشخصية اكتر من فايدة تكتسبيها للاختبار لانها تدور حول تحددي الاهداف تنظيم الوقت ⏱ العمل الجماعي و مهارات كتير تانية ازا ما عندي وحدا منهم راح اكتسبها مع الدراسة. المادة سهلة جداً لكن في مزاكرتها خليك زكية في مفاهيم رئيسية في الوحدة في نقاط مهمة و اسماء علماء 🏽‍ و اش عملو لازم اعرفو اكثر من اني اروح اقرأ كلام الهامش و الاضاءات اللي وسط الكلام و اروح احفظها . مصدرها الاساسي الكتاب بس في رابط فيه ٢٠٠ سؤال للفاينل جمعناه لكم راح ارسلو اخر حاجة 🏻🏻 مزبطينكم تواس لا تخافو؟

خطة "أ"

Math *

*CHEM ⚗*

*Arabic *

*Islamic

1/ الرياضيات: أول مادة في خطة "أ" مادة مرة حلوة لانو نفس رياضيات الثانوي، في الثانوي مو كان شوية معقد ،دحين هادا كدا السؤال الجواب ياشرلك انا الجواب اختاريني الاختبارات مرة حلوة بس الرياضيات يا حلوين يبغالو مخ مصحصح نايم كويس وشارب قهوة الصباح وحاضر الكلاس من قبل الكلاس بدقيقة، الكلاس هو الاختبار ، الدكتورة هي الاختبار، الكتاب الي في يدك هو الاختبار ،الرياضيات مادة العباقرة ، حضورك المحاضرة تركيزك فيها حلك للأسئلة مع الدكتورة تضمنك الفل مارك، لانو الدكتورة كل كلامها الاختبار ، الاختبار مافيه معيار معين ، الكوردينيت"منسق المادة" د.زهري من جهة الاولاد هذا الدكتور عامل موقع منزل فيه اختبار بسيط لكل درس وغالبا الدكتورة حتقولكم اطبعو وحلو كواجب وسلمو، راح يطبع مراجعة قبل كل اختبار يعني مثلا الكويز الاول حيعمل مراجعة للدروس الي داخله فيه وهكذا وكمان قبل الفاينل حيعملكم مراجعة فنانه دي المراجعة تنطبع وتنحل يوم الاحد مو يوم الاثنين ابدا ليه؟ هي ما يقارب 50 سؤال الاحد حليها وراجعي اجوبتك مع دكتورتك الرياضيات لعبه ارقام لازم تمرني يدك ع الحل، الاختبار الكتروني في وقت محدد وتقفل الصحفة كتير يقولو الوقت ماساة لانهم ما مرنو يدهم ع الحل السريع، مرات اطل في الشاشة ويكون عندي خيارات ف اسه طريقة اني اعوض بالخيارات الي قدامي عشان يطلعلي الجواب وحاجات زي كدا اشياء راح يعلموكم هي الدكاترة وراح تكتسبوها ،وزي م قلت الدكتورة هي الاختبار، مايمنع انك تستعيني بمدرسة خصوصية بس قبلها روحي لدكتورة مروة مرة واتنين وتلاته ما فهمتي شوفي صحبتك الي جنبك اذا فاهمة وحاولت تشرحلك ومافهمتي ساعتها استعيني بمدرسة خصوصية لكن لا تعتبريها المصدر الاساسيه، مصدرك الاساسي موجود في الجامعة الدكتورة وكتابك طبعا دا شي مفروغ منو وحلك وتدربك على الاختبار القصير المراجعات التجميعات عشان تستوعبي طريقة الاختبار وطريقة الأسئلة ، الرياضيات مادة مايبالها لغة انجليزية ،الاسسمنت الدكاترة يقولوكم حلوها بس نصيحة مني خلوها على جنب لانها حتعقدلكم الموضوع.

2/الكيمياء أخت الأحياء والفيزيا يعني هي مادة بينهم في النص ، نصها كلام حفظ ونصها حساب رياضيات وحاسبة وزي كدا ، مادة مرة حلوة منسقة المادة عندنا د. فتحية وفي د. عبير هي كانت من اللجنة الي تحط الاختبارات للسنة التحضيرية ف الي تدرسهم ياحظهم فالريفيو حقها يعطيكم الزبدة هادا مهم هادا يجي في الاختبار هادا ينسحب عليه ،والدكاترة كلهم فيهم الخير والبركة، أهم شي عندي تذاكرو سلايدات محمدين "الكوردينيتور" من جهة العيال عندو قناة على اليوتيوب منزل مراجعة لكل شابتر ذاكري السلايدات وشوفي مراجعة كل شابتر نزلو اضمنك الفل مارك، احيانا هو الي يحط الاختبار راح يراجع للعيال راح توصلكم صور السبورة شوفوها ممكن في افكار أسئلة ممكن سؤال من هنا ولا هنا قالو في الشرح، الكيميا يبالها احد مصحصح احد يلقطها وهي طايرة يفهم ايش الشي الي يجي مرات الدكاترة يشرحو كلام كتير فلازم اعرف ايش الي يهمنو مثلا اسم العالم وايش قال ومو شرط نصا، كوني ذكيا واعرفي نص الموضوع فهم وربعو حفظ والربع التاني على مراجعتي ووتدربي على حل الاسئله الحسابيه بيدي.

3/اللغة العربية اللغة الام، مصدرها الكتاب ، اختبار دي المادة جدا سهل حتى الجواب في الاختبار يقولك انا هنا، ومصدركم زي ما قلت الكتاب في مراجعات ينزلوها الدكاترة شوفوها بس الكتاب هو الاساس والاختبار مبني عليه، البنات حاليا مافي كوردينيتور لانها راحت العام اما من قسم العيال في واحد اسمو "الباحث" تقدرو تاخدو رقمو من العيال ويساعدكم، العربي مادة تتذاكر ن بدري عشان تتراجع الدكاترة عادة يراجعو الاحد والاثنين عشان تكوني معاهم ع الخط في اشياء ممكن ماتكون في الكتاب ويتطرقولها ف المراجعة وتجي في الاختبار فاذا كنتي مو مذاكرة حتضعي في المراجعة.

4/الاسلام ماددة حلوة وميزتو انو الكتاب مقسم الي اختبرو كويز أول ما ارجع اختبرو كويز تاني والي اختبرو كويز تو ما حختبرو في الفاينل، اما الفاينل جزئية لحالها ، مصدر المذاكرة يا كتاب الاسلامي يا سلايدات دكتورة منى ودكتور معاها دكتورة منى ودكتورة سعاد الي حيدروسكم الاتنين يجننو، المادة مرة خفيفة لكن ماتنهمل وتنحضر محاضرتها لازم لانو الدكتورة راح تنبه التعريف مهم الايه مهمة الايه اتكررت مرتين ولكل مرة سبب وركزي ابدا لا تفكري انك تسحبي عليها لانو الدكتورة تلمح عن الشي المهم الي تركزي عليه والشي الي بس اقراي والي تسحبي عليه فلازم تحضرو لانو في مصلحتك.

*حابة آنبه عَ نقطة الغياب و حضور المحاضرات

الغياب خافو من خوفكم من الموت بصيغة مبالغة ، ما يوصلك للحرمان إلا الغياب ، مايوصلك لكرسي الاختبار وتنصدمي من الكلام الموجود في الاختبار الا الغياب، يعني هما ما خصصو وقت لمحاضرة معينه ولدكتورة معينة ووفرولك قاعة معينة عشان انتي تروحي بيتك وتنامي لا غلط انتي لازم تغتنمي الكرسي الي غيرك يتمناه، اغلب المواد فهمها واختبارها وتعديها بدون مذاكرة من فهمك للمحاضرة، قدمي نفسك دائما إنت أولى لا تسمعي للي تقولك اشبك زي الدوافير تحضري كل المحاضرات ولا امشي نخرج مو لازم نحضر تبغي تسوي شي كلو بعد المحاضرة، الغياب مشكلتو مشكله اذا وصلت لحافة الحرمان نبدا شغل نجيب سكليف وما يقبلو السكليف مننا ونحمل المادة وناخد صيفي ،ايش موقف اهلك منك يوصلوكي كل صباح عشان تجلسي مع صحباتك وتهرجي، ايش ذنبي انا اجلس اذاكر مادة ثلاثة ايام علة محاضرة كان ممكن افهمها في 50 دقيقة، اغتنمي غيابك لك كنت تعبانه عندك مناسبة صحيتي وعندك اولويات تبي تسويها والمحاضرة مو مرة مهمة محاضرة عربي او اسلام ولا مهارات وممكن كيمياء بس انا فاهمتها، اغتنمي غياباتك لنفسك وقت ما تحتاجيها، يعني وقت الاختبارات تنضغطي تقدري تغيبي وانتي مو شايلة هم تحسبي كم ساعة باقيلك وتنحرمي.

المادة الوحيدة اللي باقية ما تكلمت عنها الانجليزي هي موجودة في الخطتين

الانجليزي يا اخواتي مالو مصدر الا كتابو، حتدرسو في التحضيري 3 ليفلز مختلفة من الانقلش ،مادة مهمة جدا ،المنهج فكرتو انو متدرج في مستوى الصعوبة ،اختبارو عبارة عن الكتاب ، حضرتو المحاضرة فهمتو معاها حليتي معاها كتبتو معاها الانجليزي لعبتك سار،الانجليزي كلو من المحاضرة خصوصا الليسننغ "الاستماع" انا كل ما ادرب نفسي اسمع كتير في المحاضرة خصوصا انو هو نفسو الي يجي في الكتاب يجي في الاختبار، اسمعو كتير مع الدكتورة مرة واتنين وتلاته هي حتعيدو ونحل الاسئله ممكن ترسخ معاك في راسك حتو في الاختبار توفري لنفسك وقت، حضور المحاضرة والكتاب هما سر اجتياز الانجليزي.

السلام عليكم حقيبة السنة التحضيرية فيها كل حاجة تحتاجوها في سنتكم الدراسية ، سنة مليئة بالتوفيق و النجاح

https://drive.google.com/open?id=0B-zA40NhJsT7bUFGVlp5X0xDcTQ

عندي سؤال ايش افضل طريقة ادون فيها المعلومات انا دائما اشتت نفسي اسجل بكل مكان ايش احسن شيء نوتات بنفس الكتاب ولا اكتب بالهامش ولا احدد نوت بحجم كويس لكل المواد؟

الناس نوعين في عالم تحب الترتيب والانتكة ومنظمة يعني تاخذ دفتر يكون مقسم وتكتب مع الدكتورة وكدا، ولكن عن انا صراحة كنت اكتب مع الدكتورة في مكان واحد ما احب اشتت نفسي مو افتح سلايد من هنا ونوت من هنا ومراجعات من هنا،كنت افضل اني اطبع السلايد قبل ادخل المحاضرة يعني ما ادخل المحاضرة الا معايا سلايد المحاضرة هو غالبا الدكتورة حترسلكم السلايدات على الايميل، يسير في المحاضرة معايا سلايد ومعايا مرسامي هي تتكلم قالت نقطة عجبتني كتبتها، نبهت على نقطة مهمة أأشر عليها ، اذا كان معاك الكتاب اكتبي على الهامش اذا خطك كبير ممكن يكون معاك نوت تكتبي فيه ولصقي ،رتبيه يسير مصدر واحد نذاكري منو،تدبس مع السلايد، اذا انتي من العالم المنظمة ممكن تكتبي ف دفتر هو دفتر واحد وكمان ارتب لك بس اهم شي لا تشتتي نفسك باوراق وسلايد وكتاب راح تتعبي.

🌟عائق اللغة الانجليزية ✒
كثر موضوع شاغل التحضيري كلهم و اكبر مخاوفهم منو و سؤال دايماً يدور في ذهنكم هل انا قد التحضيري ؟ هل راح اعديه عَ خير ؟ و اسئلة كتيييرة
و سبب الخوف دا خوفكم من المادة الاساسية اللي التحضيري قايم عليها اللي هي الانجليزي 📍

هل سئلتهم انفسكم لما فعلو السنة التحضيرية قبل تخصص بالحياة الجامعية ، السنة التحضيرية هدفه يطور هذا الجانب ويقفز بكم قفزة من الصفر الى الواحد كانت هناك 3 مستويات مكثقة في سنة وحدة والمواد باللغة الالنجليزية ودكاترة اجانب لنتعلم منهم .

بالبداية اجعل في مخيلتكم ان اللغة ليس عائق ابدا.

العالم ماذا تحتاج لتعلم لغة جديدة ؟ الممارسة فالبعض يدفع مبالغ ليسافر ليتعلم اللغة حتى يتوفر لها بيئة ستجبره لممارسة اللغة بمكان لا يتحدث لغته ، انتم نفس الشيء البيئه المعظم اجانب والمكان والضفط لتحدث اللغة فالباقي عليك لابد من مساعدة انفسك فلن يساعدك احد ابدا فلا تنتظري احد يمسك يدك لنجاح .
انتقدي نفسك بنفسك فاشتغلي بنفسك لتطوير لغتك فعملي كورس مكثف لتطوير فمثلا 6 ساعات باليوم لتعلم اللغة 4 ساعات فعلية في الجامعة فحضوري جزء من الكورس المكثف واخذ واعطي مع الدكتورة لا يهم الغلط فهيا ستساعدك وتصلح اغلاطك وتنبهك وتفيدك حتعلمك كل الاساسيات في كل شيء وباقي ساعتين في يومك لتطويرك هذي مجموعة البرامج من اشخاص مختلفين حابيين يطورو لغتهم 👌🏻 .

حطو ببالكم نقطة معين "يضيع العلم ما بين الحياء والكبر" لا تستحيي من المناقشة مع الدكاترة حتى لو غلطتي لا تستحي ان ضحكوا الطالبات فالدكتورة ستساعدك فستثقي بنفسك بالتجربة وحاولتي الخوف لا يفيدك ابدا الشيء اللي غلطي فيها ما حتنسيها .
العيوب التعلم الشيء بممارسته واللغة ممارستها لازم تستعدي نفسيا لفكرة ان لغتك ضعيفة وتصالحي معها انا يبغالي اتعلم و احتاج تطوير لا تجلسي كذا بدون فعل شيء .
اشتغلي عن نفسك بتطوير الجزء الضعيف لديك وعودي نفسك لسماع اللغة وسرعتها والاصوات .
فكافئي نفسك بعد كل نجاح .

دفعة إيجابية ع الاخير ، ربي ما حطكم في دا للمكان اللي عارف انكم قدو و اللي قبلكم اجتازوه ع خير ما عندهم يد زايدة ولا عقل زايد عنكم انتو قدها بس شدو حيلكم واثبتو ل نفسكم 💪🏻 💛

كدا خلصت فقراتي اليوم معاكم واتمنى اكون ضيفة خفيفة لطيفة 😍

وبختام هذي الفقرة أتمنى تكونوا استفدتو معانا 😍❤

ضيفنا العزيز واعضائنا الأعزاء
نبغى نعرف إنطباعكم عن الفقرة سواء بفائدة أو كلمة أو ما يخطر في أذهانكم📝

شاركونا في هاشتاق :

#متخرج_ومجرب

🔹بالنسبة للخريج أكتب اسم قروبك وانطباعك عنه
🔹بالنسبه للطلبة اذكرو اسم خريجكم والتخصص

تغريدة وحده راح تفرق 👏💜

TWAS Orientation

السبت، 30 سبتمبر 2017

Demonstrative and Possesive pronouns 🎀💙

🕗💙 Paragraph on Wednesday date 27/9/2017

🎀💙Article title ( Demonstrative and Possesive pronouns )a

#TWAS

الأحد، 24 سبتمبر 2017

كابوس اللغة الانجليزية ✨

متخرج ومجرب ( زينب تحكي تجربتها ونصائحها لسنة التحضيرية وبعض نصائحها الخاصة لجامة طيبة ) 🎀💙

مواضيع مدونة #تواس_تحضيري